台灣南北8天食之旅2008 第一天 (15.11.2008) 晨早去到機場,就去"K"帶做網上簽證,誰知電腦壞咗,迫住我要去到高雄做落地簽,之後就走回CI櫃檯check-in,但好鬼多人,於是就用自助check-in機,嘩!3分鐘攪掂,咁方便的東西,香港都無乜宣傳,真係失敗. 登機證在手,見仲有時間就去咗T2食早餐,食完就由T2入再搭無能車返T1去登機閘口. 飛機準時10:35am起飛,我仍然坐我慣常的窗口位,食我的NB餐,雖然個餐唔係太好食,但今次竟然比海鮮麵我,內有帶子、蝦和魷魚,我再望一望隔離位,得個幾粒點心,真係睇見都唔想食. 1個小時多d就去到高雄機場,仲快過我平時返工,個機場好細,做落地簽的地方排了一條長長的人龍,而我這個悠閒人不想和人迫,所以就排到最後,當我攪掂後,整個入境大堂一個旅客都沒有,而櫃檯只淨一個,都唔明各國的機場都咁悠閒,但香港就咁鬼繁忙! http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124016491.jpg.jpg?ib_____DDKfoarXo 換完錢打算買張電話咭,但找來找去到搵唔到間shop,原來當日沒開門,真係撞佢個鬼,星期六都唔開,唔通平日無乜客才會開???離開機場,步行幾分鐘就行到捷運站,真係近到你唔信,為了未來幾日的方便,我買了張一卡通(即八達通),而入閘前就打比今晚民宿的主人,當去到捷運-美麗島站,依指示去到出口就看見Savoy在迎接我,大約行15分鐘就去到一幢樓宇,亦即是我在高雄的住宿"羊齒草公寓",這裡其實是一幢很普通的民居,屋住只不過以極超值的價錢,租比一些有需要的人住,而我剛好在網上認識了她,才有幸入住,我原本只租住一間單人房,點知間房設備不足,Savoy就比咗間套房我住,真係抵上加抵. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124030990.jpg.jpg?ib_____DD5MfqK3W 安頓好後就出發,因已中午時份,這天只在市區逛逛就算,現在高雄真係好方便,雖然好玩的地方不多,但大家只要沿著捷運走,已可玩幾天,而我首站,就去高雄好出名的夢時代廣場,內裡好大,就好像行一間日資百貨公司咁,而我當然空收而回啦. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124114282.jpg.jpg?ib_____D8rIxKOj0 從另一門口離開夢時代,就看見全高雄最高的"高雄85大樓",我見咁近就梗係walk過去喇,一路行...一路行...再一路行都仲未到,最後都不知用了多少時間才行到門口,在74樓有一個觀景台,我知要比100入場費才可入內,我梗係唔入啦!之後看地圖隔2條街就是"大遠百貨",我又再一次選擇行去,又不知行了多久,總之就由天光行到天黑啦! http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081210102819870.jpg.jpg?ib_____DeCzF9iEZ "大遠百貨"都是一間很普通的商場,但在17樓就有一個免費的觀景平台,個景都唔錯架,值得一去. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124142120.jpg.jpg?ib_____D9E6X.2vw http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124154525.jpg.jpg?ib_____D8_U6ZNJp 臨離開"大遠百貨"又睇吓地圖,突然發覺附近應該有一個小小的夜市"苓雅夜市",於是就走去行了一圈兼食晚餐. ↓珍珠奶茶NT$30, 菜NT$40, 葱爆羊肉NT$100, 白飯NT$10 http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124210640.jpg.jpg?ib_____DD.eFhbF0 食飽飽又繼續我的行. . .行. . .行之旅,距離下一個目的地,只是一個捷運站,於是我又再一次選擇行過去,又不知行了多久,終於到達"城市光廊",他是一個公園,但就用上大量光管做成這個景況,老實講個景觀比我想像中差. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124253418.jpg.jpg?ib_____D5Ppnp2IM 在城市光廊門口,又比我看見一些抗議活動 http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124225526.jpg.jpg?ib_____DYJRRYX4O 今天是星期六,城市光廊真係超多人,而且當晚在公園內更有一個小型音樂會,是紀念張雨生的.我都聽到完場才離開. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124240632.jpg.jpg?ib_____DXMxykgZ8 由城市光廊到羊齒草公寓又是一個捷運站,而我當然又行喇,當差唔多到時,醒起Savoy說附近有個好出名的"六合夜市",我梗係又要去行吓,可是這個夜市只是出名但沒什麼特別,而且比我想像中細. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124320626.jpg.jpg?ib_____DLmc46cwC 當晚好飽,所以只試了台北沒有得即吃的"烏魚子",NT$50蚊一舊仔,咸咸地都ok嘅. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081206124306185.jpg.jpg?ib_____Dt0D_haBB 這天行到好累,諗住11:00pm便回民宿,點知我竟然迷路,短短15分鐘的路,我足足用了45分鐘,途中我有問路架,點知他點條錯路比我,真係激死人. (在香港拾行李時,找來找去都搵唔到個台灣插頭,於是求其將一個3腳插自行改為2腳插,以為可以啦,誰知係唔適合架,唯有急忙在台買,一個在鴨寮街用$5可買到的插頭,在台竟然要NT$79,嘩!成港幣$20,真係肉痛死人呀!!!)

用普通話寫比較看得懂:^)

看行程好像沒什麼規劃 一切隨性... 不過隨性也有隨性的好 可以自由自在 不用趕景點 CI的飛機餐.... 真的沒話說 很難吃得下... =.= 85大樓的觀景台已經便宜很多 101的觀景台要NT$400呢~~

台灣南北8天食之旅2008 第二天 (16.11.2008) 第二天又一早起床,梳洗後就等Savoy來帶我去吃高雄的早餐,我們乘機車去到一個菜市場,門口就有一小檔食肉圓的店. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081222012044921.jpg.jpg?ib_____Dpr6wfJ0D 肉圓其實是一大舊麵粉包住一舊碎豬肉,然後可放湯或醬汁食,一個大大粒的肉圓只賣$10,食2個已經飽飽,非常超值,至於味道都ok架. ↓左:醬汁 右:湯汁 http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081222012954528.jpg.jpg?ib_____DEOY_dCs5 食完早餐又開始獨自上路,乘捷運去參觀糖廠,這是一間已廢的製糖工廠,內裡都幾大,仲有自己的小型運輸火車,真利害,一到假日就好多人騎單車去參觀架. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219084907509.jpg.jpg?ib_____DGQP.KHpZ http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081222014203930.jpg.jpg?ib_____DqtHzDeal 去糖廠必做的事,就是食一枝雪條,我就選了桂圓味,嘩!好好味呀,真係食到一粒粒桂圓架,每枝都只是$12,下次再去的話,要試其餘的味道. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219084920152.jpg.jpg?ib_____DtlrxvvqB 參觀完糖廠已是中午,隨意入了一間店食午餐,叫了一碗"當歸鴨肉麵線,$50當然不能期望太高,但味道都ok架,個湯真係有當歸藥材味. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219084934486.jpg.jpg?ib_____DYn607ZlR 食完午餐又乘捷運去下一站,其實捷運一d都唔平,一個站都要$20,去遠少少都要$40,如果一天去多幾個景點,車費真係唔野小,雖然我覺得價錢略貴,但無可否忍他真係好方便,好多景站或商場都可搭他到達,指引又清晰. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219084949920.jpg.jpg?ib_____DP6EbGYal 西子灣站一出,行大約9分鐘路程,就會到往旗津的碼頭,今天是星期日,所以好多人,我都等了幾班船才有位,幾分鐘的船程+NT$15船費,話咁快就去到旗津. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085003428.jpg.jpg?ib_____DFMZ57H0l 一落船就見到好多檔口,但大多數是食的,又因旗津在沿海,所以海鮮檔都唔少,每碟少炒NT$100,但我一條友當然唔會幫襯啦,因我是街邊小吃支持者,而且那些海鮮檔的海鮮,全都是瞓覺的. ↓海鮮檔http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081222022458110.jpg.jpg?ib_____Dsd40_qaW 行吓行吓,就入咗去賣乾貨的鐵皮屋,裡面全都是買手信的檔口,而且檔檔都有得試食,試個好味才買,面皮厚的話,真係可以食到飽. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085028380.jpg.jpg?ib_____DfEFpNObA 買完手信就跟著一些鴨仔團往山上走,因山上有幾個景點,跟著他們一定不會行一些冤枉路. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085041799.jpg.jpg?ib_____DKzDb1lpc http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085110521.jpg.jpg?ib_____DUvssrKAC 而旗後砲台就一定要在黃昏時去,因為是睇日落的最好位置,我用部傻瓜機都有咁嘅效果,用對眼看仲靚呀. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085124269.jpg.jpg?ib_____DkQI2szie 睇完日落就搭船返西子灣,看一看地圖,漁人碼頭就在附近,於是又用走路方法行過去,去到真係"車"一聲,食店只有數間,再望一望個海,漆黑一片乜都無,但行吓行吓,竟然有人在拍野,個男女主角都幾靚架,但我就唔知是乜水喇,原本我影了相,可惜被工作人員要求下刪除了,而以下這張相,我說是影船才得以保存. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085138607.jpg.jpg?ib_____DcX5XReJD 離開漁人碼頭諗住從另一邊走,點知有少少迷路,於是搵人問路,誰知鬼影都無一隻,唯有繼續行,終於搵到人問路,但他們卻說捷運站很遠,我說遠都沒辦法(因附近無公車又沒小黃),他們還叫我"加油". 原來條路真係好鬼遠,足足行了45分鐘,途中都有諗過搭小黃,但又唔忿氣,以為行30分鐘應該會到,當行到捷運站又看一看地圖,發現"愛河"就在附近,於是再行多15分鐘就到達"愛河"其中一個碼頭. 這個真愛碼頭有一項遊船河活動,NT$80遊一小圈,大約20-25分鐘. http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085151874.jpg.jpg?ib_____DkOauXFQB ↓個碼頭極之簡陋,隻船又殘殘地,最慘同船撞正一班同胞客,我左右兩旁的一男一女在傾計,我頂佢個肺呀,咁多野傾就一齊坐喇,我"薯"了幾聲都仲講!!! http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085205127.jpg.jpg?ib_____DaayQEZ4_ ↓在船上兩旁的景色 http://f20.yahoofs.com/hkblog/vDjGijCCFRkfDv_uZFNasbHJmLQ-_9/blog/ap_20081219085219998.jpg.jpg?ib_____DrG2kLdCG 坐完船仔又行了30分鐘去捷運站,今晚又去咗"六合夜市"食晚餐,首先買杯珍珠奶茶,點知珍珠售罄,唯有轉飲燒仙草奶茶,之後就選了食酸辣粉,個味道竟然與在深圳食差不多,幾好咪架,但就要NT$90,都幾貴.食飽飽就回"羊齒草公寓"

雖然高雄離我家只有400公里，有生以來好像只匆匆去過兩次。 肉丸(圓)其實不只「是一大舊麵粉包住一舊碎豬肉」，我非常愛吃肉丸。 penelopehing可參考：肉丸的作法 (http://tw.knowledge.yahoo.com/question/question?qid=1005021901832)。 遠從香港來的penelopehing卻到過好多我從來沒去過的地方。 猴子山(柴山)與旗津是我造訪過打狗 (http://wireless.ks.edu.tw/~country/change/change1.htm)較有印象的兩個地方，真是歹勢啊！ 趁著下旬探訪國境之南5天，我準備在打狗住一晚，好好體驗一下南都風情。 以下行程是當地友人Amada幫我安排1/21的打狗一日遊： 1.搭捷運橘線到西子灣站(O1) → 哈瑪星(日本時代最繁榮)→ 代天公廟口(小吃)→旗津(海鮮) 再坐渡輪過海(媽祖廟--天后宮) ，廟旁有路通往旗後燈塔和旗後砲台，整個打狗港盡入眼簾 。 2.逛過旗津 , 再搭渡輪返回哈瑪星(鼓山) , 過西灣隧道到中山大學，在清朝打狗英國領事館官邸喝下午茶， 這是欣賞打狗海景最美的地方，然後下到西子灣，每天這裡總是坐滿了觀賞夕 陽的情侶，是絕佳約會地點。 3.如果還有體力，再搭捷運到鹽程埔站(O2)，鹽程區曾是打狗最繁華的地方。

時間都花在走路啊...如果有規劃好景點及行程 應該會比較多好的感受

廣東話淨係香港人睇得明, 為左全球華人都分享到你既遊記, 請打正式中文吧...

1/21晚我也南下去愛河搭愛之船遊河， 愛河旁有簡易的碼頭與可搭大約18人的小船， 但並沒有感受到penelopehing所說：「碼頭極之簡陋,隻船又殘殘地」， 我覺得台灣的河川能有這樣的遊河設備是很好的開始。

台灣南北8天食之旅2008 第三天 (17.11.2008) 第三天又是一早起床,梳洗後就乘捷運去西子灣,昨天因在旗津看日落擔誤咗些時間,攪到我趕唔切去西子灣另一邊的景點,所以今日要去多次. 落車後隨了要搵路外還要搵食,行吓行吓就隨便入了一檔,叫了一個肉鬆蛋餅NT$40 + 豆漿NT$12,又好味又經濟. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021416737.jpg.jpg?ib_____DsRvoTYnm 食飽飽就繼續往山上行(因地圖好似好近,所以選擇行路),點知可能天氣太熱,行到我死死吓,但一上到山看到個海,真係嘩一聲,因為太靚了.影完相就繼續往山上走,終於來到"打狗英國領事館",但星期一休息,所以不能進入. 行到此就回程,因體力有限,所以選擇乘車走,問路後就走過對面的車站,但個車站就貼了張告示話"此站已停用",咁我唯有周圍看,睇吓個站搬咗去邊,終於在一個馬路旁的草叢中搵到,避免司機看不見我而飛站,我唯有在烈日當空的乾煎情況下,呆呆地等車,等了10多分鐘終於上到車走人. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021429507.jpg.jpg?ib_____DNQt0IF82 離開西子灣就乘捷運,回到我的"羊齒草公寓",和Savoy吹吓水再睇吓相,我便收拾行李走人. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021458957.jpg.jpg?ib_____DaZi_UUmF 臨走前Savoy更帶我去吃午餐,一碗海鮮烏東雖然只要NT$60,但碗麵裡竟然有數隻蝦+隻蛋,而且仲好好味添. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021512986.jpg.jpg?ib_____DWndahqYu 而高雄的行程亦就此完結,下一站是台南. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021552891.jpg.jpg?ib_____DuFEVGNxm 一落火車就看見"旅客中心",入去拿張地圖再問問路就乘車去"東門學院",乘公車時我用高雄張一卡通比錢,但司機卻一直叫我比錢,攪了一陣司機再看看部機,他才知我已比咗錢. 之後我又落遲咗一個站,在街上問路時,一如以往,台灣人個個都有車,你向他們問路時,通常都好好人教你,但他們卻不認識路名和如何用走路方法去,有時更會指錯路添.所以我都用了些時間才找到住宿的地方. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225010536141.jpg.jpg?ib_____DImMSwnOT 在香港sent e-mail比他們時,他們回覆會比間雙人房我住,但價錢就照單人房價計,所以都好抵,入住時我話要洗衣服,他們又問我有無洗衣粉,我話無他們更比咗一盒我慢慢用,我出街又問我懂不懂騎單車,但部車有點大不太適合我個size,所以我話唔需要了.(我一早上網check過,借單車要比錢架,但他們卻免費比我用) http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225010426184.jpg.jpg?ib_____D93Z8DhP5 台南因無地鐵,所以去景點時會比較麻煩,公車又唔適搭,所以我多數行路去,但行吓行吓,原來好鬼遠. 由東門學院行去"赤崁樓",慢慢行慢慢看又粒幾鐘,去到才知要付NT$50入場費(乜現在台灣咁似中國架,乜野都要比錢),一場來到更係要入去看看啦. 歷史我興趣不大,入去慢慢行影吓相就走人. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021606583.jpg.jpg?ib_____DBMegPkvq 行完又搵野食,看見有一個大排檔,於是隨意選了一檔,食了以下3款食品雞肉飯NT$20,川芎鳳爪湯NT40,蝦卷NT$50,合共NT$110,又一餐又平又好食的晚餐. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021635660.jpg.jpg?ib_____DtU2sQnzQ 食飽飽又慢慢行回住處,上吓網睇吓電視又出街,原來住的附近有一個"大東夜市",剛好今晚會營業(台南有幾個夜市,但就唔係日日開,所以去前要計劃好). http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225020550611.jpg.jpg?ib_____D6SJ7o_9B 而今晚的宵夜是泡茶鍋NT$80 + 珍珠奶茶NT$30 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081223021702845.jpg.jpg?ib_____DgdSWnfEu 回到住所,雙腳板就愈來愈痛,一睇;原來2隻腳板在同一位置,都長了一個水泡,於是在沖涼後就搵支針弄穿他,避免他第二天會含濃,就唯有忍...忍...忍...痛地將他晰底清理.

台灣南北8天食之旅2008 第四天 (18.11.2008) 第四天又係一早起床,出門行30分鐘去火車站轉公車去"安平",在巴士站等了20分鐘仍未有車,到看到有車時又飛站,再等多5分鐘見唔對路就問人,原來我站的巴士站是回程的,而去程個站要向前行多20步. 去到"安平"求其在一個站下了車,行了一陣就找野食,見到一檔食粽的,就入去試吓,一隻NT$35又一餐. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085643757.jpg.jpg?ib_____DHevDtLMH 食飽飽就開始行程,第一站"安平古堡",入場要先付NT$50,內有一個紀念館、鄭成功像和燈塔,地方不算很大. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085656656.jpg.jpg?ib_____DAv2YNaFJ http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085710242.jpg.jpg?ib_____DCuk.QUWB 之後四處走,就去咗另一古蹟"東興洋行",誰知這裡已變成一間餐廳. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081228124619554.jpg.jpg?ib_____DRsqZgx8K 行到中午累累地,就入咗一食店食野,左邊那碟是炸蝦仁餛飩NT$50,而右邊那碟是蚵捲NT$45,因是即炸關係,所以好好味. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225091743455.jpg.jpg?ib_____D6.Fy740m 在安平的馬路上,我看見一輛蠔車,車上放滿一束束蠔,而在街上就見到一班阿嬋在開蠔,而d蠔開後就供人購買. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085630963.jpg.jpg?ib_____D9qdWzAlI 充完饑又繼續行,去到樹屋和蠟像館門口, 又要收NT$50入場費,乜現在台灣愈來愈似中國,處處都要比錢入場,最後我放棄了,只在門口拍拍照就算. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081228010621820.jpg.jpg?ib_____DS3VJHxC4 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085753256.jpg.jpg?ib_____Dh0.bVRym 而"安平"的行程亦就此完成,乘公車回火車站途中,一路看著地圖,突然發覺另一景點"孔廟"就在附近,於是拿拿林落車,入到一個公園,而孔廟就在這個公園裡,可是入孔廟又要另外付入場費,但內裡又好像沒什麼特別,所以我又一次過門而不入. 在公園的厠所門口有一棵大榭,當我解決完出來,突然見到棵樹有d小動物在走動,最初我還以為是老鼠,個心仲諗:嘩!乜咁好營養,d老鼠又肥又大隻. 誰知再看清楚d,原來唔係老鼠,但我又唔知這些是什麼! http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085806207.jpg.jpg?ib_____DNFI.PKEA 離開孔廟在誤打誤撞的情況下,就去到另一個旅客資詢處,上去和個姐姐吹了一陣,她就介紹我去另一景點和食店,我跟著她的指引,去好所介紹的地方. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085834862.jpg.jpg?ib_____D3IUce2.E 在行去另一景點途中,看見一座建築物好特別,原來是一間消防局,當我好留心拍照時,突然身後聽到一聲 " 嘭 " ,我轉身一看,原來發生車禍,2架電單車在一個彎位相撞,大家都沒事起返身,但那男士的車好像不能啟動,而個女士就站在旁邊,至於結果如何,我就唔知喇! http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085849760.jpg.jpg?ib_____DiafUp6Oj http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085725641.jpg.jpg?ib_____D2weCpaAt 做完八婆又繼續上路,剛才那位姐姐介紹我去的,就是"吳園",他有170幾年歷史,以當年來說,這裡是一個非常有錢人的家,內有宴會廳和音樂廳,但我就覺得可以不去. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081228015509711.jpg.jpg?ib_____DHckSgHqY ↓吳園的門口 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085740484.jpg.jpg?ib_____D4XzzI.WI 吳園旁有一食上海菜的店,這亦是那位姐姐推介的,一條友叫了一客小籠包NT$60,這客包都不知放了多久,個樣唔多靚,至於味道都唔覺好食,見個肚還有空位,於是叫多一碗酸辣湯NT$35,這個剛煮好,熱騰騰的,但他的味道又不同以往食開的,他比較酸料又好足,我就覺得幾好味. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225091753776.jpg.jpg?ib_____DVRSfT3B7 行了大半天已很累,6點幾便回住宿休息,到晚上9點又出動,今天有另一個夜市營業,但好鬼遠,所以我又再次去附近的"大東夜市",但有些檔口今晚卻沒有營業,我估他們去另一夜市開檔罷. 今晚我吃了一袋滷味NT$100 + 一碗大羊骨湯 NT$60,臨走前再買多杯珍珠奶茶. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085918818.jpg.jpg?ib_____DChzu8_my 在回住宿時經過一間便利店,竟然看見以下的即食火鍋,可是太飽了,而明天又要去台北,因此沒有買來試,希望下次有機會試食. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081225085902285.jpg.jpg?ib_____D9HmE_U.R

台灣南北8天食之旅2008 第五天 (19.11.2008) 第五天,台南真係無乜特別,所以今天9:00便起床收拾行李去台北,因叮噹他們在台北,所以一早不吃早餐便乘車去高鐵站,打算到台北就和他們食個lunch or tea. 原先打算去火車站轉免費巴士去高鐵站,點知check out時,那些工作人員話比我知,住宿附近都有站,真係好方便. 去到台南高鐵站還有20分鐘便開車,但我卻選乘遲半小時開出的班次,因我要四周圍參觀吓,點知用15分鐘已行完,而車站外圍就乜都無. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229100623421.jpg.jpg?ib_____DFUExgMnD 如大家有機會乘高鐵的話,記得上網睇定時間和價錢,因唔同時段會唔同收費架,最高打65折,好像我由台南去台北,原價要NT$1,3XX,現在只需NT$875喳,真係慳好多架. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094414425.jpg.jpg?ib_____DFJhnWk9t 在高鐵站內影完相,見仲有時間,就去咗買早餐上車吃,一個蛙魚包+咖啡=NT$139,都唔係好貴,個包仲好鬼好味添,料又足包又鬆軟. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229100856209.jpg.jpg?ib_____Do2_HL06F 在車上個幾鐘有乜攪,緊係看返場電影啦,一套劇剛剛好. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094315765.jpg.jpg?ib_____DsgcQL0mE 一直在高雄和台南都很熱,但一到台北就很冷,只有15度,我估2地氣溫相差有12度,幸好我沒嚴重,帶了一件厚外套. 在台北火車站落車,行過對面就是我住的地方,8人房的其中一個床位,每晚NT$690,以往我都是一條友住酒店的,但一晚平價酒店都要HK$500,真係好貴,所以今次試吓住青年旅社,原本想book 8人卧舖(即瞓地下),但已滿. 房內還有2個好細的厠所兼浴室,想轉身都有點困難,但勝在方便. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094513247.jpg.jpg?ib_____DtZpHAjsH 安頓後就和叮噹聯絡,但他們去咗動物園玩,所以最後都沒有在台北聚,早知就唔駛我晨早仆去台北啦,真係谷鬼氣. 之後一條友便行去西門町食午餐,誰不知行錯方向,去咗總統府. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094535944.jpg.jpg?ib_____DvMRewUVl 再問吓路才兜返去西門町,食我那碗阿宗麵線NT$55(大). http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094450919.jpg.jpg?ib_____DFk3lasjP 在街上漫無目的咁行,又比我看見巡遊,他們是代表什麼我唔知,為乜而行我又唔知,但我每次到台灣仲見到這些公仔打鑼打鼓在街上行. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094612311.jpg.jpg?ib_____DQhaFTZhU 睇完巡遊我又行返去西門町,點知又比我看見有一隊crew在拍攝,今次是日本綜藝節目來台灣拍攝,可是那3位主角是乜水我就唔識喇,但就好面熟,至於那後生仔我知他有拍日本廣告的. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094638332.jpg.jpg?ib_____DhbMd8Vtz 睇完明星又到晚餐時間,我就搭捷運去咗士林夜市,在鐵皮屋行了一圈,最終選擇食扒,一個鐵板羊扒NT$240,如加NT$10就變成餐,而餐就會多碗湯和一個包.至於那杯珍珠奶茶NT$30是我另外買的. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094704496.jpg.jpg?ib_____DH8dAnlxY ↓味道麻麻地,但勝在抵食 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229094552953.jpg.jpg?ib_____DcwVVtLvn 食飽飽再在士林行咗一圈就回住處,返到去沖吓涼上吓網就瞓了,在我臨瞓前,同房的另一名女孩都回來了,在她沖緊涼時,我已瞓著了.

台灣南北8天食之旅2008 第六天 (20.11.2008) 今天瞓到8:45am便起床,落街打算搵餈飯食又無,但就找到檔推車仔買即製蛋餅,於是我又買了一份肉鬆蛋餅NT$40,然後就到便利店買咗杯朱古力咖啡NT$45. 買完早餐就求其入咗一個公園開餐,個蛋餅好足料又大份,所以食到好飽,至於味道都唔錯架,可惜d醬汁就麻麻地,而那杯咖啡就比我想像中好飲. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113133996.jpg.jpg?ib_____Dmv1bUFnQ http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113150491.jpg.jpg?ib_____DZeRwL432 食完早餐又行咗去總統府,因今天打算入去參觀,一路以來都唔知有這個活動,是有一次無意中在別人個blog裡知道,所以今天要一早起床來這裡. 參觀總統府要在平日早上,在則門入,門口有好多西裝友在把守,只要有人走近,他們都會問你什麼事,只要你話來參觀便可以進入.一入去就拿証件登記,然後寄存行李,所有手提包和相機都不能帶進去,至於隨身物品(銀包)就要人手打開檢查. 不要以為在裡面可以自由行呀,當檢查完就會有義工帶我們參觀,而那個義工還負責講解.而我們這些持粉藍色証的人,只可參觀地下的一層(G/F),而每行幾步就會見到有西裝友在把守,個個高大又靚仔. 如持另一種深藍色証的人,他們就可到一樓參觀. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113205936.jpg.jpg?ib_____DTvLqt7Lj 參觀完總統府就行咗去"自由廣場"亦即以前的"中正紀念堂",大門口更有一批人在靜坐. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113329908.jpg.jpg?ib_____DncvALq6l http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113344927.jpg.jpg?ib_____DsfBhTbYf 行了大約一小時後,壩定頭位以為有換班儀式睇,但又唔見有其他旅客聚集喎,於是走去櫃檯問一問,原來個換班儀式已取消了,她還教我搭公車去"國父紀念館"睇. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113356572.jpg.jpg?ib_____DGI1yuq9V http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113425553.jpg.jpg?ib_____DDX9Aqcix 離開自己廣場見門口有檔賣腸仔,於是食返一枝,嘩! NT$30又貴又唔好食,大家認住佢呀. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113517106.jpg.jpg?ib_____DqwDhWR83 等咗好耐車,終於上咗巴士再問司機,他話我搭錯車,之後就在一個路口放低我,話附近的巴士才對,落車找了一陣子才見到有巴士站,再問吓路人就搭咗某一架巴士去. 入到場館見有兵在站崗,就知有得睇換班儀式. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113529216.jpg.jpg?ib_____Dh6Py15MO 參觀完對準時間又壩頭位,但拍得Movie又拍唔到照片,而且相片質素又唔多掂,下次等我買部靚d相機再拍過. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113551266.jpg.jpg?ib_____Dqs2Tpppz 他們更有專人服侍,真係想 "郁" 都幾難 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113612165.jpg.jpg?ib_____DRiszMKiJ 睇換班任務完成,之後就向101百貨方向行,行行吓就唔記得入咗那間商場醫肚,雖然已4點幾,但我午餐都未食,在美食廣場行了幾圈,最終選擇食"泡菜湯鍋烏東 NT$140,嘩!唔掂呀,都唔好食嘅. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113632681.jpg.jpg?ib_____D5Ak3vaOg 食飽飽再行咗一陣,就乘免費接駁巴士往"市政府"捷運站,落巴士再問問路,再行多25分鐘就到達"饒河街夜市" http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113710901.jpg.jpg?ib_____DuNQ1zFcP 因吃完午餐無耐,所以齋行,而台灣買襪咁平,我又點可以唔買返d呢,最後用NT$100買了6對開工襪,哈..哈..另外更買了一杯非常超值的珍珠奶茶NT$19. 臨離開夜市前,點都要食個晚餐,見有檔"三媽臭臭鍋"好多人排隊,而這些食店指標,我又點可以錯過呢!一條友叫了一個大腸臭臭鍋NT$100,再加一份鴨血NT$20,原本還有一碗白飯,但我知一定食唔落,所以我比咗同枱的另一家人. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113742105.jpg.jpg?ib_____Dtdxk.CUh 又飽又累,求其行去一個巴士站再問人那架巴士會經台北車站,點知路人幫我看站牌時,就話面前的巴士都可以,我就快快上咗車. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081229113757912.jpg.jpg?ib_____D3zQlZN8E 回到青年旅社樓下有檔買一袋袋水果好平,於是又用NT$20買了一袋蓮霧,又平又爽口. 沖完涼又上吓網就瞓了,而同房的女孩,在我入睡後才回來

台灣南北8天食之旅2008 第七天 (21.11.2008) 第七天,今天沒有安排行程,但都8:45am起床,晨早又搵早餐吃,豆漿NT$15+肉鬆蛋餅NT$25,大家睇相都知個蛋餅麻麻地,和昨天在街邊檔買的相差好遠. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230113918162.jpg.jpg?ib_____DAMNVL_oF 食完早餐就去咗附近條書街搵書,因有朋友扥我搵本攝影書,但間間書局都沒有,話那本書已絕版.隨了幫人搵書外,我梗係又順便睇吓書啦,原本都睇咗幾本好想買,但又唔捨得,咁唯有在各書局慢慢看. 睇完書又累累地,於是就去咗台北車站打個圈. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230113932689.jpg.jpg?ib_____DAO0wX2Rr 在火車站內有一間售賣台鐵物品的商店,而我就在這裡買了幾塊好漂亮的名信片. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114027137.jpg.jpg?ib_____D0Ku.GKwU 行到累就走上一層,那裡全是食店,乜都有,形式就好像大食代,我行了一圈後,就選擇食"酸菜白肉鍋NT$170,幾年前已想試,但去食店吃會好貴,而且一條友又食唔晒,而現在竟然有一人份的鍋,正好合我食量. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230113955126.jpg.jpg?ib_____DRldEKfgp 食完午餐就回青年旅社,因這幾天太疲累,而去到台北又冷一冷,終於開始發病,但我今次又無帶藥在身,唯有瞓一瞓,差一差電. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114014992.jpg.jpg?ib_____D_ByS1xA9 瞓到黃昏時份便起身,雖然仍然覺得不適,但無理由繼續瞓,於是便出街,在行經一個商場門口,正有日本旅遊做推廣,我又八八掛掛走過去影相,之後他們更捉了幾個途人玩遊戲,而我是其中之一,最後我梗係win咗份禮物啦. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114048535.jpg.jpg?ib_____DwEz7C4rl 玩完就走過對面乘巴士去基隆,原來一次過買來回票有得平架,單程要NT$55,但來回只要NT$100. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114103358.jpg.jpg?ib_____DvmdcXoeW 去到基隆就慘囉,竟然落雨,仲要愈落愈大,氣溫自然更冷,但一場去到無理由即走,於是繼續行,目標當然是夜市啦,因落雨關係,攪到我無乜心機行,求其行了一圈便坐在街邊食晚餐. 今次又係食鍋物,腸旺鴨血鍋NT$130,這檔好好味架,因我每次去基隆,都會吃一鍋的. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114115975.jpg.jpg?ib_____DYoT4v.3G 吃完鍋物就吃個甜品,咖啡泡冰NT$40. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20081230114131284.jpg.jpg?ib_____DoUKrDgtN 食飽飽就乘巴市回台北,回到青年旅社一打開房門,嘩!好多人呀,今晚我左右兩旁都有人瞓,令我瞓得不太好,我怕在轉身時會吵到別人.

台灣南北8天食之旅2008 第八天 (22.11.2008) 終於玩到最後一天,又是8點幾起床,跟著就去咗台北車站間郵局,寄昨天才買的木板名信片,原本郵費就好平,但我避免寄失,因此寄掛號,仲要比個郵差叔叔寸,他話唔駛寄掛號,但我堅持,所以他話我是第一個將這名信片寄掛號的人.因為個郵費足以買多一張名信片. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121639636.jpg.jpg?ib_____D.YPNZpoz 這張是寄掛號的收據 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121653307.jpg.jpg?ib_____DrZmOA5nC 寄完野就去食早餐,今早仍是飲豆漿NT$12,但就食朱古力吐司NT$25,個麵包好鬆軟,好好味架. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121706402.jpg.jpg?ib_____DjufVZp_V 食完野再幫個朋友買了6盒"美麗日記"就回青年旅社,而房內已空無一人,咁我就可以慢慢拾行李再影吓間房才check out.但我卻忙記影一張戰利品相,有點美中不足. 今日陽光譜照,熱到死,我連外套都不用穿,和昨天的氣溫差好遠. ↓八人房窗外的景觀 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121747496.jpg.jpg?ib_____DDrzCJ8TC ↓房內的厠所兼沖涼的地方,真係細到想轉身都唔得 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121733170.jpg.jpg?ib_____DRt8upmoA check out完就行咗去西門町,行了幾圈想搵黑橋版間店,點知找來找去都搵唔到,真係激鬼死,之後就去咗買鴨舌,間野d食物就愈來愈貴,如果唔係送比朋友,我係唔會幫襯架,因夜市d滷味比他還好吃. 食行兼買完,又要搵食,去台灣點都要食一餐鐵板燒,因為又平又抵食.我叫了一個"海鮮總匯(花枝.生蚵.鱈魚.草蝦.蟹肉)"都只雖NT$350,係味好抵呢,而且我入去幫襯的原因,是汽水任飲呀,不另收費,係咪超抵呢. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121813527.jpg.jpg?ib_____D.lmTSzL9 http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121758835.jpg.jpg?ib_____DO.57znCn 在一商場裡,攪了一個台鐵展,我見仲有時間就上去睇睇. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121826977.jpg.jpg?ib_____D6uE6oSgW http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121853219.jpg.jpg?ib_____Dif9BsZ_I http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121839442.jpg.jpg?ib_____DRBrLWSDg 臨去機場前再食多一餐,門口明明寫住XX鍋,最後我叫了泡菜鍋,誰知卻是一碗麵,仲要是超級難吃的一碗麵,我食咗幾口已放棄. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121908358.jpg.jpg?ib_____DKqeOotf9 之後見一檔賣煎餃子的好多人排隊,我又走去排,外買了幾隻餃子再買多杯珍珠奶茶NT$25便回青年旅社拾行李走人,而這間旅館最唔好的地方是沒有免費寄存行李服務,但他只有一些大儲物櫃,但就要NT$20一粒鐘,而我足足用了NT$100存放行李去行街,真係好貴. 上咗巴士便開餐,那幾隻餃子超好味,早知買多d啦,現在唯有等下次再去時,搵返間檔口再食過. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121923623.jpg.jpg?ib_____D02jz3.6X http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121939985.jpg.jpg?ib_____DLJqsyCNW 話咁快就入咗候機室,晚上9點幾機,真係早機去晚機返,玩足8天.但7點已去到候機室,無所事事下,好在我帶了部手提電腦去,睇吓片再打吓遊戲,就夠鐘上機了. http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121954228.jpg.jpg?ib_____D2lj2NMmj 而這次台灣8天之旅,當食完這個飛機晚餐後,便正式完結,每次我都比較喜歡食由外國回香港那份飛機餐,但今次個餐卻唔多好食,唉! http://a367.yahoofs.com/hkblog/vDjGijCCFRkfDv_uZFNasbHJmLQ-_1/blog/ap_20090101121625742.jpg.jpg?ib_____D78g0vhwX

好多粵語看不董真的很可惜, 印象最深刻的是珍珠奶茶買很多杯啊...

要读得很慢才能看懂大部分的意思，但正因为读得很慢才能体会到作者的感觉，非常有意思的阅读体验。如果有人能读给我听，而且读得慢点的话，估计我可以就此学会6、7成的广东话。 有些地方楼主写到早餐蛋饼还有什么酱汁吃上去麻麻的，这就比较厉害了，很难以想象吃起来会是什么感觉。台湾用花椒调味也很普遍吗？我带我台湾同事吃川菜，花椒麻得我们俩说话都不利索。吃完后他说，知道厉害，但没想到这么厉害。